×
Mikraot Gedolot Tutorial
תנ״ך
פירוש
הערותNotes
E/ע
בראשית ל׳תנ״ך
א֣
אָ
(א) וַתֵּ֣רֶא רָחֵ֗ל כִּ֣י לֹ֤א יָֽלְדָה֙ לְיַעֲקֹ֔ב וַתְּקַנֵּ֥א רָחֵ֖ל בַּאֲחֹתָ֑הּ וַתֹּ֤אמֶר אֶֽל⁠־יַעֲקֹב֙ הָֽבָה⁠־לִּ֣י בָנִ֔ים וְאִם⁠־אַ֖יִן מֵתָ֥ה אָנֹֽכִי׃ (ב) וַיִּֽחַר⁠־אַ֥ף יַעֲקֹ֖ב בְּרָחֵ֑ל וַיֹּ֗אמֶר הֲתַ֤חַת אֱלֹהִים֙ אָנֹ֔כִי אֲשֶׁר⁠־מָנַ֥ע מִמֵּ֖ךְ פְּרִי⁠־בָֽטֶן׃ (ג) וַתֹּ֕אמֶר הִנֵּ֛ה אֲמָתִ֥י בִלְהָ֖ה בֹּ֣א אֵלֶ֑יהָ וְתֵלֵד֙ עַל⁠־בִּרְכַּ֔י וְאִבָּנֶ֥ה גַם⁠־אָנֹכִ֖י מִמֶּֽנָּה׃ (ד) וַתִּתֶּן⁠־ל֛וֹ אֶת⁠־בִּלְהָ֥ה שִׁפְחָתָ֖הּ לְאִשָּׁ֑ה וַיָּבֹ֥א אֵלֶ֖יהָ יַעֲקֹֽב׃ (ה) וַתַּ֣הַר בִּלְהָ֔ה וַתֵּ֥לֶד לְיַעֲקֹ֖ב בֵּֽן׃ (ו) וַתֹּ֤אמֶר רָחֵל֙ דָּנַ֣נִּי אֱלֹהִ֔ים וְגַם֙ שָׁמַ֣ע בְּקֹלִ֔י וַיִּתֶּן⁠־לִ֖י בֵּ֑ן עַל⁠־כֵּ֛ן קָרְאָ֥ה שְׁמ֖וֹ דָּֽן׃ (ז) וַתַּ֣הַר ע֔וֹד וַתֵּ֕לֶד בִּלְהָ֖ה שִׁפְחַ֣ת רָחֵ֑ל בֵּ֥ן שֵׁנִ֖י לְיַעֲקֹֽב׃ (ח) וַתֹּ֣אמֶר רָחֵ֗ל נַפְתּוּלֵ֨י אֱלֹהִ֧ים ׀ נִפְתַּ֛לְתִּי עִם⁠־אֲחֹתִ֖י גַּם⁠־יָכֹ֑לְתִּי וַתִּקְרָ֥א שְׁמ֖וֹ נַפְתָּלִֽי׃ (ט) וַתֵּ֣רֶא לֵאָ֔ה כִּ֥י עָמְדָ֖ה מִלֶּ֑דֶת וַתִּקַּח֙ אֶת⁠־זִלְפָּ֣ה שִׁפְחָתָ֔הּ וַתִּתֵּ֥ן אֹתָ֛הּ לְיַעֲקֹ֖ב לְאִשָּֽׁה׃ (י) וַתֵּ֗לֶד זִלְפָּ֛ה שִׁפְחַ֥ת לֵאָ֖ה לְיַעֲקֹ֥ב בֵּֽן׃ (יא) וַתֹּ֥אמֶר לֵאָ֖ה [בָּ֣א גָ֑ד] (בגד) וַתִּקְרָ֥א אֶת⁠־שְׁמ֖וֹ גָּֽד׃ (יב) וַתֵּ֗לֶד זִלְפָּה֙ שִׁפְחַ֣ת לֵאָ֔ה בֵּ֥ן שֵׁנִ֖י לְיַעֲקֹֽב׃ (יג) וַתֹּ֣אמֶר לֵאָ֔ה בְּאׇשְׁרִ֕י כִּ֥י אִשְּׁר֖וּנִי בָּנ֑וֹת וַתִּקְרָ֥א אֶת⁠־שְׁמ֖וֹ אָשֵֽׁר׃ (יד) {רביעי} וַיֵּ֨לֶךְ רְאוּבֵ֜ן בִּימֵ֣י קְצִיר⁠־חִטִּ֗ים וַיִּמְצָ֤א דֽוּדָאִים֙ בַּשָּׂדֶ֔ה וַיָּבֵ֣א אֹתָ֔ם אֶל⁠־לֵאָ֖ה אִמּ֑וֹ וַתֹּ֤אמֶר רָחֵל֙ אֶל⁠־לֵאָ֔ה תְּנִי⁠־נָ֣א לִ֔י מִדּוּדָאֵ֖י בְּנֵֽךְ׃ (טו) וַתֹּ֣אמֶר לָ֗הּ הַמְעַט֙ קַחְתֵּ֣ךְ אֶת⁠־אִישִׁ֔י וְלָקַ֕חַת גַּ֥ם אֶת⁠־דּוּדָאֵ֖י בְּנִ֑י וַתֹּ֣אמֶר רָחֵ֗ל לָכֵן֙ יִשְׁכַּ֤ב עִמָּךְ֙ הַלַּ֔יְלָה תַּ֖חַת דּוּדָאֵ֥י בְנֵֽךְ׃ (טז) וַיָּבֹ֨א יַעֲקֹ֣ב מִן⁠־הַשָּׂדֶה֮ בָּעֶ֒רֶב֒ וַתֵּצֵ֨א לֵאָ֜ה לִקְרָאת֗וֹ וַתֹּ֙אמֶר֙ אֵלַ֣י תָּב֔וֹא כִּ֚י שָׂכֹ֣ר שְׂכַרְתִּ֔יךָ בְּדוּדָאֵ֖י בְּנִ֑י וַיִּשְׁכַּ֥ב עִמָּ֖הּ בַּלַּ֥יְלָה הֽוּא׃ (יז) וַיִּשְׁמַ֥ע אֱלֹהִ֖ים אֶל⁠־לֵאָ֑ה וַתַּ֛הַר וַתֵּ֥לֶד לְיַעֲקֹ֖ב בֵּ֥ן חֲמִישִֽׁי׃ (יח) וַתֹּ֣אמֶר לֵאָ֗ה נָתַ֤ן אֱלֹהִים֙ שְׂכָרִ֔י אֲשֶׁר⁠־נָתַ֥תִּי שִׁפְחָתִ֖י לְאִישִׁ֑י וַתִּקְרָ֥א שְׁמ֖וֹ יִשָּׂשכָֽרא׃ (יט) וַתַּ֤הַר עוֹד֙ לֵאָ֔ה וַתֵּ֥לֶד בֵּן⁠־שִׁשִּׁ֖י לְיַעֲקֹֽבב׃ (כ) וַתֹּ֣אמֶר לֵאָ֗ה זְבָדַ֨נִי אֱלֹהִ֥ים ׀ אֹתִי֮ זֵ֣בֶד טוֹב֒ הַפַּ֙עַם֙ יִזְבְּלֵ֣נִי אִישִׁ֔י כִּֽי⁠־יָלַ֥דְתִּי ל֖וֹ שִׁשָּׁ֣ה בָנִ֑ים וַתִּקְרָ֥א אֶת⁠־שְׁמ֖וֹ זְבֻלֽוּן׃ (כא) וְאַחַ֖ר יָ֣לְדָה בַּ֑ת וַתִּקְרָ֥א אֶת⁠־שְׁמָ֖הּ דִּינָֽה׃ (כב) וַיִּזְכֹּ֥ר אֱלֹהִ֖ים אֶת⁠־רָחֵ֑ל וַיִּשְׁמַ֤ע אֵלֶ֙יהָ֙ אֱלֹהִ֔ים וַיִּפְתַּ֖ח אֶת⁠־רַחְמָֽהּ׃ (כג) וַתַּ֖הַר וַתֵּ֣לֶד בֵּ֑ן וַתֹּ֕אמֶר אָסַ֥ף אֱלֹהִ֖ים אֶת⁠־חֶרְפָּתִֽי׃ (כד) וַתִּקְרָ֧א אֶת⁠־שְׁמ֛וֹ יוֹסֵ֖ף לֵאמֹ֑ר יֹסֵ֧ף יְהֹוָ֛הי״י֛ לִ֖י בֵּ֥ן אַחֵֽר׃ (כה) וַיְהִ֕י כַּאֲשֶׁ֛ר יָלְדָ֥ה רָחֵ֖ל אֶת⁠־יוֹסֵ֑ף וַיֹּ֤אמֶר יַעֲקֹב֙ אֶל⁠־לָבָ֔ן שַׁלְּחֵ֙נִי֙ וְאֵ֣לְכָ֔ה אֶל⁠־מְקוֹמִ֖י וּלְאַרְצִֽי׃ (כו) תְּנָ֞ה אֶת⁠־נָשַׁ֣י וְאֶת⁠־יְלָדַ֗י אֲשֶׁ֨ר עָבַ֧דְתִּי אֹֽתְךָ֛ בָּהֵ֖ן וְאֵלֵ֑כָה כִּ֚י אַתָּ֣ה יָדַ֔עְתָּ אֶת⁠־עֲבֹדָתִ֖י אֲשֶׁ֥ר עֲבַדְתִּֽיךָ׃ (כז) וַיֹּ֤אמֶר אֵלָיו֙ לָבָ֔ן אִם⁠־נָ֛א מָצָ֥אתִי חֵ֖ן בְּעֵינֶ֑יךָ נִחַ֕שְׁתִּי וַיְבָרְכֵ֥נִיג יְהֹוָ֖הי״י֖ בִּגְלָלֶֽךָ׃ (כח) {חמישי} וַיֹּאמַ֑ר נׇקְבָ֧ה שְׂכָרְךָ֛ עָלַ֖י וְאֶתֵּֽנָה׃ (כט) וַיֹּ֣אמֶר אֵלָ֔יו אַתָּ֣ה יָדַ֔עְתָּ אֵ֖ת אֲשֶׁ֣ר עֲבַדְתִּ֑יךָ וְאֵ֛ת אֲשֶׁר⁠־הָיָ֥ה מִקְנְךָ֖ אִתִּֽי׃ (ל) כִּ֡י מְעַט֩ אֲשֶׁר⁠־הָיָ֨ה לְךָ֤ לְפָנַי֙ וַיִּפְרֹ֣ץ לָרֹ֔ב וַיְבָ֧רֶךְ יְהֹוָ֛הי״י֛ אֹתְךָ֖ לְרַגְלִ֑י וְעַתָּ֗ה מָתַ֛י אֶֽעֱשֶׂ֥הד גַם⁠־אָנֹכִ֖י לְבֵיתִֽי׃ (לא) וַיֹּ֖אמֶר מָ֣ה אֶתֶּן⁠־לָ֑ךְ וַיֹּ֤אמֶר יַעֲקֹב֙ לֹא⁠־תִתֶּן⁠־לִ֣י מְא֔וּמָה אִם⁠־תַּֽעֲשֶׂה⁠־לִּי֙ה הַדָּבָ֣ר הַזֶּ֔ה אָשׁ֛וּבָה אֶרְעֶ֥ה צֹֽאנְךָ֖ אֶשְׁמֹֽר׃ (לב) אֶֽעֱבֹ֨רו בְּכׇל⁠־צֹֽאנְךָ֜ הַיּ֗וֹם הָסֵ֨ר מִשָּׁ֜ם כׇּל⁠־שֶׂ֣ה׀ נָקֹ֣ד וְטָל֗וּא וְכׇל⁠־שֶׂה⁠־חוּם֙ בַּכְּשָׂבִ֔ים וְטָל֥וּא וְנָקֹ֖ד בָּעִזִּ֑ים וְהָיָ֖ה שְׂכָרִֽי׃ (לג) וְעָֽנְתָה⁠־בִּ֤י צִדְקָתִי֙ בְּי֣וֹם מָחָ֔ר כִּֽי⁠־תָב֥וֹא עַל⁠־שְׂכָרִ֖י לְפָנֶ֑יךָ כֹּ֣ל אֲשֶׁר⁠־אֵינֶ֩נּוּ֩ נָקֹ֨ד וְטָל֜וּא בָּֽעִזִּ֗ים וְחוּם֙ בַּכְּשָׂבִ֔ים גָּנ֥וּב ה֖וּא אִתִּֽי׃ (לד) וַיֹּ֥אמֶר לָבָ֖ן הֵ֑ן ל֖וּ יְהִ֥י כִדְבָרֶֽךָ׃ (לה) וַיָּ֣סַר בַּיּוֹם֩ הַה֨וּא אֶת⁠־הַתְּיָשִׁ֜ים הָֽעֲקֻדִּ֣ים וְהַטְּלֻאִ֗ים וְאֵ֤ת כׇּל⁠־הָֽעִזִּים֙ז הַנְּקֻדּ֣וֹת וְהַטְּלֻאֹ֔ת כֹּ֤ל אֲשֶׁר⁠־לָבָן֙ בּ֔וֹ וְכׇל⁠־ח֖וּם בַּכְּשָׂבִ֑ים וַיִּתֵּ֖ן בְּיַד⁠־בָּנָֽיו׃ (לו) וַיָּ֗שֶׂם דֶּ֚רֶךְ שְׁלֹ֣שֶׁת יָמִ֔ים בֵּינ֖וֹ וּבֵ֣ין יַעֲקֹ֑ב וְיַעֲקֹ֗ב רֹעֶ֛ה אֶת⁠־צֹ֥אן לָבָ֖ן הַנּוֹתָרֹֽת׃ (לז) וַיִּֽקַּֽח⁠־ל֣וֹ יַעֲקֹ֗ב מַקַּ֥ל לִבְנֶ֛ה לַ֖ח וְל֣וּז וְעַרְמ֑וֹןח וַיְפַצֵּ֤ל בָּהֵן֙ פְּצָל֣וֹת לְבָנ֔וֹת מַחְשֹׂף֙ הַלָּבָ֔ן אֲשֶׁ֖ר עַל⁠־הַמַּקְלֽוֹת׃ (לח) וַיַּצֵּ֗ג אֶת⁠־הַמַּקְלוֹת֙ אֲשֶׁ֣ר פִּצֵּ֔ל בָּרְהָטִ֖יםט בְּשִֽׁקְת֣וֹתי הַמָּ֑יִם אֲשֶׁר֩ תָּבֹ֨אןָ הַצֹּ֤אן לִשְׁתּוֹת֙ לְנֹ֣כַח הַצֹּ֔אן וַיֵּחַ֖מְנָה בְּבֹאָ֥ן לִשְׁתּֽוֹת׃ (לט) וַיֶּחֱמ֥וּ הַצֹּ֖אן אֶל⁠־הַמַּקְל֑וֹת וַתֵּלַ֣דְןָ הַצֹּ֔אן עֲקֻדִּ֥ים נְקֻדִּ֖ים וּטְלֻאִֽים׃ (מ) וְהַכְּשָׂבִים֮ הִפְרִ֣יד יַעֲקֹב֒ וַ֠יִּתֵּ֠ן פְּנֵ֨י הַצֹּ֧אן אֶל⁠־עָקֹ֛ד וְכׇל⁠־ח֖וּם בְּצֹ֣אן לָבָ֑ן וַיָּֽשֶׁת⁠־ל֤וֹיא עֲדָרִים֙ לְבַדּ֔וֹ וְלֹ֥א שָׁתָ֖ם עַל⁠־צֹ֥אן לָבָֽן׃ (מא) וְהָיָ֗ה בְּכׇל⁠־יַחֵם֮ הַצֹּ֣אן הַמְקֻשָּׁרוֹת֒ וְשָׂ֨ם יַעֲקֹ֧ב אֶת⁠־הַמַּקְל֛וֹת לְעֵינֵ֥י הַצֹּ֖אן בָּרְהָטִ֑יםיב לְיַחְמֵ֖נָּהיג בַּמַּקְלֽוֹת׃ (מב) וּבְהַעֲטִ֥יףיד הַצֹּ֖אן לֹ֣א יָשִׂ֑ים וְהָיָ֤ה הָעֲטֻפִים֙ לְלָבָ֔ן וְהַקְּשֻׁרִ֖ים לְיַעֲקֹֽב׃ (מג) וַיִּפְרֹ֥ץ הָאִ֖ישׁ מְאֹ֣ד מְאֹ֑ד וַֽיְהִי⁠־לוֹ֙טו צֹ֣אן רַבּ֔וֹת וּשְׁפָחוֹת֙ וַעֲבָדִ֔ים וּגְמַלִּ֖ים וַחֲמֹרִֽים׃ נוסח המקרא מבוסס על מהדורת מקרא על פי המסורה (CC BY-SA 3.0), המבוססת על כתר ארם צובה וכתבי יד נוספים (רשימת מקורות וקיצורים מופיעה כאן), בתוספת הדגשת שוואים נעים ודגשים חזקים ע"י על־התורה
הערות
א יִשָּׂשכָֽר =ש,ש1,ק3?,ו,ה וכמו כן בתיגאן ובדפוסים (נקודת הדגש מטושטשת בכתי״ק3, והיא נבלעת בתוך רגלה של השי״ן בכתי״ש1 אבל ברורה)
• ל?!=יִשָׂשּכָֽר (חסר דגש באות שי״ן הראשונה? דגש באות שי״ן השניה?) והמקליד תיקן בלי להעיר
• ל1?!=יִשְׁשָּׂכָֽר
• ש2=יִשְּׂשָׂכָֽר
• הערת ברויאר
ב לְיַעֲקֹֽב =ל1,ש,ש1,ק3,ו וכמו כן בתיגאן ובדפוסים
• ל!=לְּיַעֲקֹֽב (למ״ד דגושה)
• הערות דותן והמקליד
ג וַיְבָרְכֵ֥נִי =ש,ש1,ק3,ו וכמו כן בתיגאן ובדפוסים
• ל=וַיְבָרֲכֵ֥נִי (חטף)
• הערת ברויאר
ד אֶֽעֱשֶׂ֥ה ל=אֶֽעֱשֶׂ֥ה בגעיה ימנית
ה אִם⁠־תַּֽעֲשֶׂה⁠־לִּי֙ ל=אִם⁠־תַּֽעֲשֶׂה⁠־לִּי֙ בגעיה ימנית
ו אֶֽעֱבֹ֨ר ל=אֶֽעֱבֹ֨ר בגעיה ימנית
ז כׇּל⁠־הָֽעִזִּים֙ ל=כׇּל⁠־הָֽעִזִּים֙ בגעיה ימנית
ח וְעַרְמ֑וֹן =ל1,ש,ש1,ק3,ו וכמו כן בתיגאן ובדפוסים
• ל!=וְעֶרְמ֑וֹן (סגול במקום פתח באות עי״ן)
• הערות ברויאר ודותן והמקליד
ט בָּרְהָטִ֖ים =ל1,ש,ק3,ו וכמו כן בתיגאן ובדפוסים
• ל=בָּרֳהָטִ֖ים (בחטף קמץ)
• הערת ברויאר
י בְּשִֽׁקְת֣וֹת =ש,ק3,ו וכמו כן בתאג׳ חבשוש.
• א(ס),ל,ל1,ש1=בְּשִֽׁקֲת֣וֹת (חטף) וכמו כן בתאג׳ דפוס ראשון (עם הערה).
• הערת ברויאר
יא וַיָּֽשֶׁת⁠־ל֤וֹ =ל,ש,ש1,ק3,ו (״וישת״ מוקפת ובגעיה)
• ל1=וַיָּשֶׁת⁠־ל֤וֹ (אין געיה)
• דפוסים=<וַיָּ֨שֶׁת ל֤וֹ> (״וישת״ בטעם קדמא)
יב בָּרְהָטִ֑ים =ל1,ש,ש1,ק3,ו וכמו כן בתיגאן ובדפוסים
• ל=בָּרֳהָטִ֑ים (בחטף קמץ)
• הערת ברויאר
יג לְיַחְמֵ֖נָּה =א(ס),ל,ל1,ש,ש1,ק3,ו <⁠״לְיַחְמֶנָּה״ מתג וחטף פתח וסגול? אינו כן אלא בלי מתג והחית בשוא לבד והמם בצרי וכמנחת שי>
יד וּבְהַעֲטִ֥יף יש ספרים=וּבְהַעֲטִ֥יף באות פ״א סופית גדולה (לטריס)
טו וַֽיְהִי⁠־לוֹ֙ ל=וַֽיְהִי⁠־לוֹ֙ בגעיה ימנית
E/ע
הערותNotes
הערות
E/ע
הערותNotes
הערות
Tanakh
Peirush

כותרת הגיליון

כותרת הגיליון

×

Are you sure you want to delete this?

האם אתם בטוחים שאתם רוצים למחוק את זה?

×

Please Login

One must be logged in to use this feature.

If you have an ALHATORAH account, please login.

If you do not yet have an ALHATORAH account, please register.

נא להתחבר לחשבונכם

עבור תכונה זו, צריכים להיות מחוברים לחשבון משתמש.

אם יש לכם חשבון באתר על־התורה, אנא היכנסו לחשבונכם.

אם עדיין אין לכם חשבון באתר על־התורה, אנא הירשמו.

×

Login!כניסה לחשבון

If you already have an account:אם יש ברשותכם חשבון:
Don't have an account? Register here!אין לכם חשבון? הרשמו כאן!
×
שלח תיקון/הערהSend Correction/Comment
×