×
Mikraot Gedolot Tutorial
תנ״ך
פירוש
הערותNotes
E/ע
דברי הימים א י״זתנ״ך
א֣
אָ
(א) וַיְהִ֕י כַּאֲשֶׁ֛ר יָשַׁ֥ב דָּוִ֖יד בְּבֵית֑וֹ וַיֹּ֨אמֶר דָּוִ֜יד אֶל⁠־נָתָ֣ן הַנָּבִ֗יא הִנֵּ֨ה אָנֹכִ֤י יוֹשֵׁב֙ בְּבֵ֣ית הָאֲרָזִ֔ים וַאֲר֥וֹן בְּרִית⁠־יְהֹוָ֖הי״י֖ תַּ֥חַת יְרִיעֽוֹת׃ (ב) וַיֹּ֤אמֶר נָתָן֙ אֶל⁠־דָּוִ֔יד כֹּ֛ל אֲשֶׁ֥ר בִּֽלְבָבְךָ֖ עֲשֵׂ֑ה כִּ֥י הָאֱלֹהִ֖ים עִמָּֽךְ׃ (ג) וַיְהִ֖י בַּלַּ֣יְלָה הַה֑וּא וַֽיְהִי֙ דְּבַר⁠־אֱלֹהִ֔ים אֶל⁠־נָתָ֖ן לֵאמֹֽר׃ (ד) לֵ֤ךְ וְאָֽמַרְתָּ֙ אֶל⁠־דָּוִ֣יד עַבְדִּ֔י כֹּ֖ה אָמַ֣ר יְהֹוָ֑הי״י֑ לֹ֥א אַתָּ֛ה תִּבְנֶה⁠־לִּ֥י הַבַּ֖יִת לָשָֽׁבֶת׃ (ה) כִּ֣י לֹ֤א יָשַׁ֙בְתִּי֙ בְּבַ֔יִת מִן⁠־הַיּ֗וֹם אֲשֶׁ֤ר הֶעֱלֵ֙יתִי֙ אֶת⁠־יִשְׂרָאֵ֔ל עַ֖ד הַיּ֣וֹם הַזֶּ֑ה וָאֶהְיֶ֛ה מֵאֹ֥הֶל אֶל⁠־אֹ֖הֶל וּמִמִּשְׁכָּֽן׃ (ו) בְּכֹ֥ל אֲשֶֽׁר⁠־הִתְהַלַּ֘כְתִּי֮ בְּכׇל⁠־יִשְׂרָאֵל֒ הֲדָבָ֣ר דִּבַּ֗רְתִּי אֶת⁠־אַחַד֙ שֹׁפְטֵ֣י יִשְׂרָאֵ֔ל אֲשֶׁ֥ר צִוִּ֛יתִיא לִרְע֥וֹת אֶת⁠־עַמִּ֖י לֵאמֹ֑ר לָ֛מָּה לֹא⁠־בְנִיתֶ֥ם לִ֖י בֵּ֥ית אֲרָזִֽים׃ (ז) וְ֠עַתָּ֠ה כֹּֽה⁠־תֹאמַ֞ר לְעַבְדִּ֣י לְדָוִ֗יד כֹּ֤ה אָמַר֙ יְהֹוָ֣הי״י֣ צְבָא֔וֹת אֲנִ֤י לְקַחְתִּ֙יךָ֙ מִן⁠־הַנָּוֶ֔ה מִֽן⁠־אַחֲרֵ֖י הַצֹּ֑אן לִֽהְי֣וֹת נָגִ֔יד עַ֖ל עַמִּ֥י יִשְׂרָאֵֽל׃ (ח) וָאֶהְיֶ֣ה עִמְּךָ֗ בְּכֹל֙ אֲשֶׁ֣ר הָלַ֔כְתָּ וָאַכְרִ֥ית אֶת⁠־כׇּל⁠־אוֹיְבֶ֖יךָ מִפָּנֶ֑יךָ וְעָשִׂ֤יתִֽי לְךָ֙ שֵׁ֔ם כְּשֵׁ֥ם הַגְּדוֹלִ֖ים אֲשֶׁ֥ר בָּאָֽרֶץ׃ (ט) וְשַׂמְתִּ֣י מָ֠ק֠וֹם לְעַמִּ֨י יִשְׂרָאֵ֤ל וּנְטַעְתִּ֙יהוּ֙ וְשָׁכַ֣ן תַּחְתָּ֔יו וְלֹ֥א יִרְגַּ֖ז ע֑וֹד וְלֹֽא⁠־יוֹסִ֤יפוּ בְנֵֽי⁠־עַוְלָה֙ לְבַלֹּת֔וֹ כַּאֲשֶׁ֖ר בָּרִאשׁוֹנָֽה׃ (י) וּלְמִיָּמִ֗ים אֲשֶׁ֨ר צִוִּ֤יתִי שֹֽׁפְטִים֙ עַל⁠־עַמִּ֣י יִשְׂרָאֵ֔ל וְהִכְנַ֖עְתִּי אֶת⁠־כׇּל⁠־אוֹיְבֶ֑יךָ וָאַגִּ֣ד לָ֔ךְ וּבַ֖יִת יִֽבְנֶה⁠־לְּךָ֥ יְהֹוָֽהי״יֽ׃ (יא) וְהָיָ֗ה כִּֽי⁠־מָלְא֤וּ יָמֶ֙יךָ֙ לָלֶ֣כֶת עִם⁠־אֲבֹתֶ֔יךָ וַהֲקִימוֹתִ֤י אֶֽת⁠־זַרְעֲךָ֙ אַחֲרֶ֔יךָ אֲשֶׁ֥ר יִהְיֶ֖ה מִבָּנֶ֑יךָ וַהֲכִינוֹתִ֖י אֶת⁠־מַלְכוּתֽוֹ׃ (יב) ה֥וּא יִבְנֶה⁠־לִּ֖י בָּ֑יִת וְכֹנַנְתִּ֥י אֶת⁠־כִּסְא֖וֹ עַד⁠־עוֹלָֽם׃ (יג) אֲנִי֙ אֶֽהְיֶה⁠־לּ֣וֹ לְאָ֔ב וְה֖וּא יִֽהְיֶה⁠־לִּ֣י לְבֵ֑ן וְחַסְדִּי֙ לֹא⁠־אָסִ֣יר מֵעִמּ֔וֹ כַּאֲשֶׁ֣ר הֲסִיר֔וֹתִי מֵאֲשֶׁ֥ר הָיָ֖ה לְפָנֶֽיךָ׃ (יד) וְהַעֲמַדְתִּ֛יהוּ בְּבֵיתִ֥י וּבְמַלְכוּתִ֖י עַד⁠־הָעוֹלָ֑ם וְכִסְא֕וֹ יִהְיֶ֥ה נָכ֖וֹן עַד⁠־עוֹלָֽם׃ (טו) כְּכֹל֙ הַדְּבָרִ֣ים הָאֵ֔לֶּה וּכְכֹ֖ל הֶחָז֣וֹן הַזֶּ֑ה כֵּ֛ן דִּבֶּ֥ר נָתָ֖ן אֶל⁠־דָּוִֽיד׃ (טז) וַיָּבֹא֙ הַמֶּ֣לֶךְ דָּוִ֔יד וַיֵּ֖שֶׁב לִפְנֵ֣י יְהֹוָ֑הי״י֑ וַיֹּ֗אמֶר מִֽי⁠־אֲנִ֞י יְהֹוָ֤הי״י֤ אֱלֹהִים֙ וּמִ֣י בֵיתִ֔י כִּ֥י הֲבִיאֹתַ֖נִי עַד⁠־הֲלֹֽם׃ (יז) וַתִּקְטַ֨ן זֹ֤את בְּעֵינֶ֙יךָ֙ אֱלֹהִ֔ים וַתְּדַבֵּ֥ר עַל⁠־בֵּֽית⁠־עַבְדְּךָ֖ לְמֵרָח֑וֹק וּרְאִיתַ֗נִי כְּת֧וֹר הָאָדָ֛ם הַֽמַּעֲלָ֖ה יְהֹוָ֥הי״י֥ אֱלֹהִֽים׃ (יח) מַה⁠־יּוֹסִ֨יף ע֥וֹד דָּוִ֛יד אֵלֶ֖יךָ לְכָב֣וֹד אֶת⁠־עַבְדֶּ֑ךָ וְאַתָּ֖ה אֶֽת⁠־עַבְדְּךָ֥ יָדָֽעְתָּ׃ (יט) יְהֹוָ֕הי״י֕ בַּעֲב֤וּר עַבְדְּךָ֙ וּֽכְלִבְּךָ֔ עָשִׂ֕יתָ אֵ֥ת כׇּל⁠־הַגְּדוּלָּ֖ה הַזֹּ֑את לְהֹדִ֖יעַ אֶת⁠־כׇּל⁠־הַגְּדֻלּֽוֹת׃ (כ) יְהֹוָה֙י״י֙ אֵ֣ין כָּמ֔וֹךָ וְאֵ֥ין אֱלֹהִ֖ים זוּלָתֶ֑ךָ בְּכֹ֥לב אֲשֶׁר⁠־שָׁמַ֖עְנוּ בְּאׇזְנֵֽינוּ׃ (כא) וּמִי֙ כְּעַמְּךָ֣ יִשְׂרָאֵ֔ל גּ֥וֹי אֶחָ֖ד בָּאָ֑רֶץ אֲשֶׁר֩ הָלַ֨ךְ הָאֱלֹהִ֜ים לִפְדּ֧וֹת ל֣וֹ עָ֗ם לָשׂ֤וּם לְךָ֙ שֵׁ֚ם גְּדֻלּ֣וֹת וְנֹרָא֔וֹת לְגָרֵ֗שׁ מִפְּנֵ֧י עַמְּךָ֛ אֲשֶׁר⁠־פָּדִ֥יתָ מִמִּצְרַ֖יִם גּוֹיִֽם׃ (כב) וַ֠תִּתֵּ֠ן אֶת⁠־עַמְּךָ֨ יִשְׂרָאֵ֧ל ׀ לְךָ֛ לְעָ֖ם עַד⁠־עוֹלָ֑ם וְאַתָּ֣ה יְהֹוָ֔הי״י֔ הָיִ֥יתָ לָהֶ֖ם לֵאלֹהִֽים׃ (כג) וְעַתָּ֣ה יְהֹוָ֔הי״י֔ הַדָּבָ֗ר אֲשֶׁ֨ר דִּבַּ֤רְתָּ עַֽל⁠־עַבְדְּךָ֙ וְעַל⁠־בֵּית֔וֹ יֵאָמֵ֖ן עַד⁠־עוֹלָ֑ם וַעֲשֵׂ֖ה כַּאֲשֶׁ֥ר דִּבַּֽרְתָּ׃ (כד) וְ֠יֵאָמֵ֠ן וְיִגְדַּ֨ל שִׁמְךָ֤ עַד⁠־עוֹלָם֙ לֵאמֹ֔ר יְהֹוָ֤הי״י֤ צְבָאוֹת֙ אֱלֹהֵ֣י יִשְׂרָאֵ֔ל אֱלֹהִ֖ים לְיִשְׂרָאֵ֑ל וּבֵית⁠־דָּוִ֥יד עַבְדְּךָ֖ נָכ֥וֹן לְפָנֶֽיךָ׃ (כה) כִּ֣י׀ אַתָּ֣ה אֱלֹהַ֗י גָּלִ֙יתָ֙ אֶת⁠־אֹ֣זֶן עַבְדְּךָ֔ לִבְנ֥וֹת ל֖וֹ בָּ֑יִת עַל⁠־כֵּן֙ מָצָ֣א עַבְדְּךָ֔ לְהִתְפַּלֵּ֖ל לְפָנֶֽיךָ׃ (כו) וְעַתָּ֣ה יְהֹוָ֔הי״י֔ אַתָּה⁠־ה֖וּא הָאֱלֹהִ֑ים וַתְּדַבֵּר֙ עַֽל⁠־עַבְדְּךָ֔ הַטּוֹבָ֖ה הַזֹּֽאת׃ (כז) וְעַתָּ֗ה הוֹאַ֙לְתָּ֙ לְבָרֵךְ֙ אֶת⁠־בֵּ֣ית עַבְדְּךָ֔ לִֽהְי֥וֹת לְעוֹלָ֖ם לְפָנֶ֑יךָ כִּֽי⁠־אַתָּ֤ה יְהֹוָה֙י״י֙ בֵּרַ֔כְתָּ וּמְבֹרָ֖ךְ לְעוֹלָֽם׃ נוסח המקרא מבוסס על מהדורת מקרא על פי המסורה (CC BY-SA 3.0), המבוססת על כתר ארם צובה וכתבי יד נוספים (רשימת מקורות וקיצורים מופיעה כאן), בתוספת הדגשת שוואים נעים ודגשים חזקים ע"י על־התורה
הערות
א צִוִּ֛יתִי =ל,ש1 ובדפוסים (וי״ו דגושה), וכן הכריעו ברויאר ומג״ה
• א!=צִוִ֛יתִי (חסר דגש בוי״ו)
ב בְּכֹ֥ל =א?,ל,ש1,ק-מ ומסורת-ל וכן הוא בחלק מהדפוסים (ובקורן) ע״פ מ״ש (וכן הכריעו ברויאר ומג״ה)
• א?!=כְּכֹ֥ל? (באות כ״ף במקום בי״ת?), וכך הוא במ״ג דפוס ראשון. אמנם למרות שהמקום מטושטש מאוד בכתר, וייתכן שמדובר על כ”ף, בהגדלה האות נראית יותר כמו בי”ת (כי ניתן להבחין קצת בבסיס האות שיוצא בצד ימין).
E/ע
הערותNotes
הערות
E/ע
הערותNotes
הערות
Tanakh
Peirush

כותרת הגיליון

כותרת הגיליון

×

Are you sure you want to delete this?

האם אתם בטוחים שאתם רוצים למחוק את זה?

×

Please Login

One must be logged in to use this feature.

If you have an ALHATORAH account, please login.

If you do not yet have an ALHATORAH account, please register.

נא להתחבר לחשבונכם

עבור תכונה זו, צריכים להיות מחוברים לחשבון משתמש.

אם יש לכם חשבון באתר על־התורה, אנא היכנסו לחשבונכם.

אם עדיין אין לכם חשבון באתר על־התורה, אנא הירשמו.

×

Login!כניסה לחשבון

If you already have an account:אם יש ברשותכם חשבון:
Don't have an account? Register here!אין לכם חשבון? הרשמו כאן!
×
שלח תיקון/הערהSend Correction/Comment
×