R. S.R. Hirsch Shemot 1 – רש"ר הירש שמות א‏ – Mikraot Gedolot

(א) {פרשת שמות} וְאֵ֗לֶּה שְׁמוֹת֙ בְּנֵ֣י יִשְׂרָאֵ֔ל הַבָּאִ֖ים מִצְרָ֑יְמָה אֵ֣ת יַעֲקֹ֔ב אִ֥ישׁ וּבֵית֖וֹ בָּֽאוּ׃ (ב) רְאוּבֵ֣ן שִׁמְע֔וֹן לֵוִ֖י וִיהוּדָֽה׃ (ג) יִשָּׂשכָ֥ר זְבוּלֻ֖ן וּבִנְיָמִֽן^א׃ (ד) דָּ֥ן וְנַפְתָּלִ֖י גָּ֥ד וְאָשֵֽׁר׃ (ה) וַֽיְהִ֗י^ב כׇּל⁠־נֶ֛פֶשׁ יֹצְאֵ֥י יֶֽרֶךְ⁠־יַעֲקֹ֖ב שִׁבְעִ֣ים נָ֑פֶשׁ וְיוֹסֵ֖ף הָיָ֥ה בְמִצְרָֽיִם׃ (ו) וַיָּ֤מׇת יוֹסֵף֙ וְכׇל⁠־אֶחָ֔יו וְכֹ֖ל הַדּ֥וֹר הַהֽוּא׃ (ז) וּבְנֵ֣י יִשְׂרָאֵ֗ל פָּר֧וּ וַֽיִּשְׁרְצ֛וּ וַיִּרְבּ֥וּ וַיַּֽעַצְמ֖וּ בִּמְאֹ֣ד מְאֹ֑ד וַתִּמָּלֵ֥א הָאָ֖רֶץ אֹתָֽם׃ (ח) וַיָּ֥קׇם מֶֽלֶךְ⁠־חָדָ֖שׁ עַל⁠־מִצְרָ֑יִם אֲשֶׁ֥ר לֹֽא⁠־יָדַ֖ע אֶת⁠־יוֹסֵֽף׃ (ט) וַיֹּ֖אמֶר אֶל⁠־עַמּ֑וֹ הִנֵּ֗ה עַ֚ם בְּנֵ֣י יִשְׂרָאֵ֔ל רַ֥ב וְעָצ֖וּם מִמֶּֽנּוּ׃ (י) הָ֥בָה נִֽתְחַכְּמָ֖ה^ג ל֑וֹ פֶּן⁠־יִרְבֶּ֗ה וְהָיָ֞ה כִּֽי⁠־תִקְרֶ֤אנָה מִלְחָמָה֙ וְנוֹסַ֤ף גַּם⁠־הוּא֙ עַל⁠־שֹׂ֣נְאֵ֔ינוּ וְנִלְחַם⁠־בָּ֖נוּ וְעָלָ֥ה מִן⁠־הָאָֽרֶץ׃ (יא) וַיָּשִׂ֤ימוּ עָלָיו֙ שָׂרֵ֣י מִסִּ֔ים לְמַ֥עַן עַנֹּת֖וֹ בְּסִבְלֹתָ֑ם וַיִּ֜בֶן עָרֵ֤י מִסְכְּנוֹת֙ לְפַרְעֹ֔ה אֶת⁠־פִּתֹ֖ם וְאֶת⁠־רַעַמְסֵֽס׃ (יב) וְכַאֲשֶׁר֙ יְעַנּ֣וּ אֹת֔וֹ כֵּ֥ן יִרְבֶּ֖ה וְכֵ֣ן יִפְרֹ֑ץ וַיָּקֻ֕צוּ מִפְּנֵ֖י בְּנֵ֥י יִשְׂרָאֵֽל׃ (יג) וַיַּעֲבִ֧דוּ מִצְרַ֛יִם אֶת⁠־בְּנֵ֥י יִשְׂרָאֵ֖ל בְּפָֽרֶךְ׃ (יד) וַיְמָרְר֨וּ אֶת⁠־חַיֵּיהֶ֜ם בַּעֲבֹדָ֣ה קָשָׁ֗ה בְּחֹ֙מֶר֙ וּבִלְבֵנִ֔ים וּבְכׇל⁠־עֲבֹדָ֖ה בַּשָּׂדֶ֑ה אֵ֚ת כׇּל⁠־עֲבֹ֣דָתָ֔ם אֲשֶׁר⁠־עָבְד֥וּ בָהֶ֖ם בְּפָֽרֶךְ׃ (טו) וַיֹּ֙אמֶר֙ מֶ֣לֶךְ^ד מִצְרַ֔יִם לַֽמְיַלְּדֹ֖ת הָֽעִבְרִיֹּ֑ת אֲשֶׁ֨ר שֵׁ֤ם הָֽאַחַת֙ שִׁפְרָ֔ה וְשֵׁ֥ם הַשֵּׁנִ֖ית פּוּעָֽה׃ (טז) וַיֹּ֗אמֶר בְּיַלֶּדְכֶן֙ אֶת⁠־הָֽעִבְרִיּ֔וֹת וּרְאִיתֶ֖ן עַל⁠־הָאׇבְנָ֑יִם אִם⁠־בֵּ֥ן הוּא֙ וַהֲמִתֶּ֣ן אֹת֔וֹ וְאִם⁠־בַּ֥ת הִ֖וא^ה וָחָֽיָה׃ (יז) וַתִּירֶ֤אןָ הַֽמְיַלְּדֹת֙ אֶת⁠־הָ֣אֱלֹהִ֔ים וְלֹ֣א עָשׂ֔וּ כַּאֲשֶׁ֛ר דִּבֶּ֥ר אֲלֵיהֶ֖ן מֶ֣לֶךְ מִצְרָ֑יִם וַתְּחַיֶּ֖יןָ אֶת⁠־הַיְלָדִֽים׃ (יח) {שני} וַיִּקְרָ֤א מֶֽלֶךְ⁠־מִצְרַ֙יִם֙ לַֽמְיַלְּדֹ֔ת וַיֹּ֣אמֶר לָהֶ֔ן מַדּ֥וּעַ עֲשִׂיתֶ֖ן הַדָּבָ֣ר הַזֶּ֑ה וַתְּחַיֶּ֖יןָ אֶת⁠־הַיְלָדִֽים׃ (יט) וַתֹּאמַ֤רְןָ הַֽמְיַלְּדֹת֙ אֶל⁠־פַּרְעֹ֔ה כִּ֣י לֹ֧א כַנָּשִׁ֛ים הַמִּצְרִיֹּ֖ת הָֽעִבְרִיֹּ֑ת כִּֽי⁠־חָי֣וֹת הֵ֔נָּה בְּטֶ֨רֶם תָּב֧וֹא אֲלֵהֶ֛ן^ו הַמְיַלֶּ֖דֶת וְיָלָֽדוּ׃ (כ) וַיֵּ֥יטֶב אֱלֹהִ֖ים לַֽמְיַלְּדֹ֑ת וַיִּ֧רֶב הָעָ֛ם וַיַּֽעַצְמ֖וּ מְאֹֽד׃ (כא) וַיְהִ֕י כִּֽי⁠־יָרְא֥וּ^ז הַֽמְיַלְּדֹ֖ת אֶת⁠־הָאֱלֹהִ֑ים וַיַּ֥עַשׂ לָהֶ֖ם בָּתִּֽים׃ (כב) וַיְצַ֣ו פַּרְעֹ֔ה לְכׇל⁠־עַמּ֖וֹ לֵאמֹ֑ר כׇּל⁠־הַבֵּ֣ן הַיִּלּ֗וֹד הַיְאֹ֙רָה֙ תַּשְׁלִיכֻ֔הוּ וְכׇל⁠־הַבַּ֖ת תְּחַיּֽוּן׃נוסח המקרא מבוסס על מהדורת מקרא על פי המסורה (CC BY-SA 3.0), המבוססת על כתר ארם צובה וכתבי יד נוספים (רשימת מקורות וקיצורים מופיעה כאן), בתוספת הדגשת שוואים נעים ודגשים חזקים ע"י על־התורה

הערות

^א וּבִנְיָמִֽן =ל1,ב,ש,ש1,ק3,ו ובדפוסים
• ל!=וּבְנְיָמִֽן (בי״ת שווּאה)
• הערת דותן

^ב וַֽיְהִ֗י ל=וַֽיְהִ֗י בגעיה ימנית

^ג נִֽתְחַכְּמָ֖ה =א⁠(ס),ל,ל1,ב,ש,ש1,ק3,ו (נו״ן בגעיה והתי״ו רפה); א⁠(ס),ל1,ב,ש,ק3=נִֽתְֿחַכְּמָ֖ה עם סימן רפה בתי״ו.

^ד מֶ֣לֶךְ =ל1,ב,ש,ש1,ק3,ו ובדפוסים (בכתי״ש1 חסרות נקודות סגול בלמ״ד)
• ל!=מֶ֣לֶך (חסר שווא בכ״ף סופית)• הערות ברויאר ודותן

^ה הִ֖וא =ל1,ב,ש,ש1,ק3,ו ומסורת-ל וטברניות ורמ״ה (כתיב וי״ו)
• ל!=הִ֖יא (כתיב יו״ד)
• הערת ברויאר

^ו אֲלֵהֶ֛ן =ל,ל1,ב,ש,ש1,ק3,ו ומסורות טברניות (כתיב חסר יו״ד) וכך בספרי התורה של כל העדות; מ״ק-ש=<ה׳ חד חס ושאר׳ מלי>.
• א⁠(ע⁠[עזרא],ק,ר)=אֲלֵיהֶ֛ן (כתיב מלא יו״ד); וכך היה כתוב בכתבי⁠־היד ל,ל1,ק3,ו לפני תיקון (בתוך ל,ל1,ק3 נוספה הערת מ״ק <ל׳ חס׳> התוכמת בתיקון). אין עדות מפורשת במסורה לשיטה שלפיה כל חמשת התיבות ״אליהן״ במקרא נכתבים מלאים, אך ייתכן שיש בסיס לשיטה כזו בהערת המסורה הגדולה בכתר על רות א,כ. וראו עוד עופר, קאסוטו, עמ׳ 311-312.

^ז כִּֽי⁠־יָרְא֥וּ =ל-מ,ש,ק3,ו (געיה באות כ״ף); ראו רשימת ברויאר ב״ספיקות שאין להם הכרע״, הערה 8 ובספר טעמי המקרא פרק ח (וכן ברויאר ומג״ה).
• ל=כִּֽי⁠־יָֽרְא֥וּ (!) בשתי געיות בתיבות המוקפות (וכן בקורן).
• ב=כִּי⁠־יָֽרְא֥וּ (געיה באות יו״ד ונמחקה געיה באות כ״ף)
• ל1,ש1=כִּי⁠־יָרְא֥וּ (אין געיה)

כותרת הגיליון

כותרת הגיליון

כותרת הגיליון

כותרת הגיליון

Are you sure you want to delete this?

האם אתם בטוחים שאתם רוצים למחוק את זה?

Please Login

נא להתחבר לחשבונכם

Login!כניסה לחשבון